Диканиг хьахадан кхоьру со.

Хазаниг хьахадан кхоьру со.

Диканах, хазачух хьаьгна хьо

«ГIагI», – аьлла, елхарна кхоьру со.

Да-нана хьахадан кхоьру со,

Буо виснарг велхарна кхоьру со.

«ЙоI» ала, «воl» ала кхоьру со,

ХIухаьддарг велхарна кхоьру со.

Гуо талла бIов йоцуш висначохь,

Букъ тоха берд боцуш висначохь,

Куьг делла, белш гIортош, гIаттийна,

Хьо латто гIо доцуш висначохь,

Хьан лекха лам хьахо кхоьру со,

Хьан Орга, Терк хьахо кхоьру со.

Нохчийчоь, хьо йийца кхоьру со —

Къонахий белхарна кхоьру со.